Fived Eat
【澳門美食】贏到粥 | 美食評價分享
餐廳資訊
地址 : 下環河邊新街278號豐順新邨第3座地下 M,K 號舖
訂座電話 : +853 28967899
營業時間 : 17:00 – 2:00
付款方式 : 現金
【贏到粥】在同事推薦下，我們專誠去試試呢間提供卜卜蜆火鍋餐廳。網上有同樣有大量好評店舖的 Wasabi 手撕雞都是必食的，我們事前已預約餐廳並提早一天預訂半份手撕雞，可以一嘗他們家這道拿手小菜。各位讀者記得手撕雞必須要提早一天預訂。
我們首先提早搭的士前往餐廳，由氹仔出發路程大約 30 分鐘，由於餐廳並不在遊客區，所以落車後仍然要依賴 Google maps 搵路。餐廳在一處小巷中，大大的招牌「贏到粥」顯而易見，而店名改得非常好。
餐廳環境寬敞，我們原先預約六點，但提早五點到達，幸好職員可以提早給我們用餐。
在橫街窄巷的店舖，比較難找
即刻 Follow Instagram 搶先睇食、住、玩優惠情報及評價
食物質素
卜卜蜆鍋 MOP $168
大大煲嘅卜卜蜆未滾已經上枱，大約起碼有 100 隻蜆，煲中間擺放切碎的蒜蓉、辣椒、蔥的配料，畫面超級無敵霹靂靚！大約 5 分鐘水開始滾，我們可以開始動筷。
湯底係冇味精，飲到只係得鮮甜的蜆味，所以我都額外點豉油去食蜆。 P.S 特別提醒要記得喺放其他配料之前飲蜆湯。 較為遜色是蜆肉比較細小，但係可以密密食蜆真係好開心。
香噴噴的蒜蓉配合蜆的鮮味令人不禁食指大動
蝦滑 MOP $88 / 勝瓜 MOP $38
呢個超級驚喜，冇諗到蝦滑份量咁多，有一個拳頭大小，而且真係食到一粒粒蝦肉，一個字正呀。(由於實在太好食忘了拍攝) 。
勝瓜大約有 12 粒，勝瓜煮熟時間相對長，所以勝瓜好入味，滿滿的蜆肉湯汁注入勝瓜，估唔到勝瓜可以咁好味
Wasabi 手撕雞(半隻） MOP $128
Wasabi 手撕雞有海蜇、炸芋絲條、蔥、辣椒的配料，表面灑上滿滿的芝麻，第一啖咬落去非常有好感，食到滿滿的芋絲條增加了口感的層次，相反手撕雞同海蜇比較少份量，Wasabi 同手撕雞配搭好好，係出奇地好味 ，但小妹個人認為有點辣，而且 Wasabi 仲好攻鼻。P.S 男朋友覺得是正常的
繽紛水果茶 MOP $35
餐廳對面是飲料店，相信是一夥經營，雖然餐廳有提供茶，我們亦點了水果茶試試，普普通通，茶味濃，但有點過甜，但打邊爐時飲凍的飲品絕對可以消暑解渴的。
如有下次的話，會想嘗試其他飲品。 總括來說，如果大家會去澳門玩，都可以一試呢間餐廳，抵食又好味！
價錢
💰 蝦滑 MOP $88
💰 勝瓜 MOP $38
💰 Wasabi 手撕雞(半隻） MOP $128
💰 繽紛水果茶 MOP $35
