8度海逸酒店 | 酒店評價分享
01.
酒店訂購資訊
02.
房間整體感覺
房間入面，床係由2張單人床合併而成，所以訓得唔太舒服，始終中間有條罅隙喺度。同埋房間冷氣好熱，可能因為咁女小編瞓得唔好，發咗關於阿飄既惡夢。不過間房都算幾大，如果買外賣張枱都可以放到嘢食，不錯不錯。
03.
浴室感覺
淋浴間位置比較細，不過大家需要留意花灑下面個發熱器超熱，女小編沖涼唔小心掂到，熱到飛起，真係沖涼都要小心翼翼！呢點真係要扣返少少分數。雖然係咁，酒店配備內置嘅沖涼液同洗頭水，都幾香幾好用，用完心情都好啲。
04.
酒店其他設施
酒店設有健身室，位於酒店 2 樓，我哋沿着走廊搵極都搵唔到，最後要問職員先知道原來喺其中一間房間入面，我哋喺門口望到入邊只有五個健身儀器，而且又多人，所以我哋就打退堂唔做運動了，哈哈哈哈。感覺酒店中健身室比較求其，只係安排其中一間酒店房間及擺放五部儀器，心諗點夠人用 ?
💡 房間提供嘅免費物品：兩支樽裝蒸餾水/兩包茶包/兩包即溶咖啡粉
💡 浴室配備個人物品：牙刷/牙膏/衛生袋/浴帽/兩對拖鞋
💡 浴室配備個人物品：牙刷/牙膏/衛生袋/浴帽/兩對拖鞋
