香港北角海逸酒店 | 酒店評價分享
01.
訂購資訊
02.
房間整體感覺
房型唔算細，值得一讚嘅係提供兩座位梳化，可以舒舒服服坐喺到睇電視。個人覺得缺點就係一入到間房係勁凍，凍到有少少寒嘅感覺，就算熜咗冷氣都一樣好凍 !
同埋個酒店只係提供一張櫈畀住客，如果係情侶入住而又咁啱要食外賣就略顯尷尬，因為要分開食之餘，雖然有梳化提供但又無茶機枱，即係我要拎住啲食物凌空咁食嘢。
03.
浴室感覺
浴室係乾濕分離，冇浴缸，花灑水力正常，水嘅熱度會隨住時間下降少少而需要扭熱，酒店無提供防滑墊，所以大家出浴時要小心地滑。另外提供獨立式風筒，可以唔使局限於廁所使用，小編比較喜歡一路睇電視一路吹頭 !
04.
酒店其他設施
酒店設有健身中心、桑拿、季節性室外泳池、托兒服務，由於時間太遲入住關係，都無參觀過健身中心同埋桑拿。
💡 房間提供嘅免費物品：兩支樽裝蒸餾水
💡 浴室配備個人物品：2支沖涼液 / 1枝洗頭水 / 1支護髮素 / 1支潤膚液 / 1個浴帽 / 1個衛生袋
💡 浴室配備個人物品：2支沖涼液 / 1枝洗頭水 / 1支護髮素 / 1支潤膚液 / 1個浴帽 / 1個衛生袋
